O‘zbekiston Respublikasi Prezidentining 2026 yil 2 iyundagi PF-103-son Farmoni bilan tashkil etilgan “Bolalar ijodkorligi ijodiy birlashmasi” tomonidan yo‘lga qo‘yilayotgan “U-POP TREND” loyihasining taqdimoti bo‘lib o‘tdi.
Taqdimotda O‘zbekiston Respublikasi Prezidentning madaniyat bo‘yicha vakili Hasan Salihov, Madaniyat vazirining birinchi o‘rinbosari — Kinematografiya agentligi direktori Jahongir Ahmedov hamda soha vakillari ishtirok etdi.
📌 Loyiha haqida:
“U-POP TREND” — milliy musiqiy merosimiz, folklor sanʼatimiz va anʼanaviy raqslarimizni zamonaviy jahon musiqasi, yuqori texnologiyalar hamda moda yoʻnalishlari bilan birlashtirgan yangi shou-tanlovdir.
Asosiy maqsad — milliy ohanglarning o‘ziga xosligini saqlagan holda, ularni bugungi o‘smirlarning didi va ruhiyatiga yaqinlashtirish. Ya’ni, ota-bobolarimiz merosini yoshlar o‘zlari izlab va xohlab tinglaydigan qo‘shiqlarga aylantirish. Bu yondashuv musiqa bilangina cheklanmaydi. Sahna liboslari, raqslar, vizual yechimlar va yuqori texnologiyalar ham milliy ruh bilan uyg‘unlashadi.
🌟 Madaniyat va san'at mamlakatning xalqaro imiji, dunyoga o‘zini tanitishidagi eng kuchli vositalardan biri. “U-POP TREND” esa milliy qadriyatlarimizni zamonaviy formatda xalqaro sahnaga olib chiqishga qaratilgan.
✅ Taqdimot yakunida “U-POP TREND” loyihasi qo‘llab-quvvatlanib, uni yanada rivojlantirish bo‘yicha taklif va tavsiyalar bildirildi. Endi navbat — g‘oyani sahnaga, milliy ohanglarni esa yangi avlod qalbiga olib chiqish!
1🔥6👏4⚡2🐳1💯1🏆1
